Të pasurit që përbëjnë 1% të popullsisë globale zotërojnë mbi 2 herë më shumë pasuri se 6.9 miliardë banorët e tjerë të globit.<br /> Është ky konkluzioni i raportit vjetor të OXFAM-it, organizatës ndërkombëtare për ndihmë kundër urisë dhe varfërisë, i publikuar një ditë para nisjes së forumit ekonomik botëror të Davosit.<br />Shkaktare të thellimit të hendekut mes pakicës së të pasurve dhe shumicës dërrmuese të popullsisë botërore, raporti sheh ligjet që konsiderohen të padrejta që favorizojnë gjithmonë miliarderët. <br />Në raport thuhet se sistemi ekonomik global u krijon mundësi të pasurve të shumëfishojnë të ardhurat dhe të krijojnë pasuri marramendëse, pa dhënë asnjë kontribut për shoqërinë. <br />Raporti i OXFAM ve në dukje edhe mangësitë që ka sistemi ekonomik, që në shumicën e vendeve të botës, kryesisht në Afrikë përjashton femrat, duke i vendosur ato në shënjestër të abuzimeve seksuale. <br />Raporti këshillon qeveritë botërore të parashikojnë taksa më të larta për të pasurit, por edhe shërbime falas për të varfrit, kryesisht në shëndetësi e transport publik.
